Hemen zaude:
 » 
Urrezko Biblioteka bilduma

Urrezko Biblioteka bilduma

Ikusirik Literatura Unibertsala bildumako lehen 100 izenburuak eskuraezinak direla, obra horiek paperezko liburu forman berreskuratzeko plangintza diseinatu zuen EIZIEk 2010. urtean, Eusko Jaurlaritzako Kultura Sailarekin duen lankidetza-hitzarmenaren bitartez.

Abiatzeko, ehun liburu horietatik 20 izenburuko sorta hautatu da, eta horiek berrargitaratuko dira, hurrengo bost bat urteotan, obra bakoitzari dagokion zuzenketa eta eguneratze lana egin ondoren. "Urrezko Biblioteka" izena jarri zaio liburu berrargitaratuek osatuko duten bildumari, eta Elkar argitaletxeari esleitu zaio argitaratzeko lana, lehiaketa publiko bidez.

Aspaldi itzulitako obrak direnez eta bitarte horretan euskarak berak hainbat gauza finkatu dituenez, orrazketa edo zuzenketa beharra dute itzulpenok, eta horretarako prozedura ere finkatu da berrargitalpen planaren barruan.

Zuzentzaile talde batek obra bakoitzari buruzko irizpena idatziko du, itzulpenaren puntu ahulenak, liburuan sumatzen dituzten joerak eta hobetu litezkeen gauzak azalduz, eta, horretan oinarrituta, argitaletxeko zuzentzaileak egingo ditu jorratze lanak, beti ere itzultzailearen oniritziarekin.

Argitaraturiko liburuak

Urrezko Biblioteka
zk. Egilea Titulua Itzultzailea Jatorrizko titulua
01 Eugène Ionesco Emakume abeslari burusoila Jon Muñoz La cantatrice chauve
02 Katherine Mansfield Lorategiko festa Antton Garikano Iruretagoiena The Garden Party and other stories
03 Edgar Allan Poe Kontakizunak Koro Navarro ****
04 Daniel Defoe Robinson Crusoe Aintzane Ibarzabal Robinson Crusoe
05 William Shakespeare Hamlet Juan Garzia Garmendia Hamlet
06 Jonathan Swift Gulliverren bidaiak I˝aki Mendiguren Gulliver's Travels
07 Gustave Flaubert Madame Bovary Patxi Apalategi Madame Bovary
08 M.J. Lermontov Gure garaiko heroia Jose Morales Belda Geroi nashego vremeni
09 Jane Austen Harrotasuna eta aurrejuzguak Ana Isabel Morales Pride and Prejudice

Hemeroteka

Iruzkinak