Literatura Unibertsala bilduma
«Literatura Unibertsala» bilduma
Lehen aroan (1990-2002), 100 liburu itzuli ziren, eta Ibaizabal argitaletxeak kaleratu zituen liburuak. Bigarren aroan (2002-2010), berriz, beste 52 liburu kaleratu dituzte Elkar eta Alberdania etxeek, lankidetzan. Argitalpen-lehiaketa publikoz hautatu ziren argitaletxe horiek. 2011. urtean abiarazi genuen hirugarren aroa.
Aro berri horretarako ere argitalpen-lehiaketa antolatu zuen EIZIEk, eta hiru argitaletxek bat eginik aurkezturiko proiektuari esleitu zitzaion beste 50 liburu argitaratzeko ardura: Alberdania, Erein eta Igela argitaletxeei, hain zuzen.
Itzulpen-lehiaketa
Bilduma honetarako itzulpenak ere lehiaketa publiko bidez hautatzen dira. Itzuli nahi diren obren zerrenda bat plazaratzen du Elkarteak urtero, eta itzulpen-lehiaketa antolatu. Ikus hemen 2011ko lehiaketaren berri
2011n esleituriko itzulpen kopuruarekin bi urterako argitalpen plangintza osatu zen:
2012ko argitalpenak
- Jamaica Kincaid, Nire amaren autobiografia. Itz.: Alberto Mtnez. de la Cuadra
- Herman Melville, Benito Cereno eta Billy Budd. Itz.: Jose Ramon Vazquez
- Alain Fournier, Meaulnes handia. Itz.: Monika Etxebarria
- Calderón de la Barca, Bizitza amets. Itz.: Xabi Paya
2013ko argitalpenak
- Antonio Lobo Antunes, Gauzen egoera naturala. Itz.: Iñigo Roque.
- Merçè Rodoreda, Ispilu hautsia. Itz.: Antton Olano.
- Mary Shelley, Frankenstein. Itz.: Iñigo Errasti
- Elias Canetti, Die gerettete Zunge. Itz.: Ibon Uribarri
Berrargitalpenak: Urrezko Biblioteka
Ikusirik Literatura Unibertsala bildumako lehen 100 izenburuak agorturik daudela eta liburu dendetan eskuraezinak direla, liburu horiek berrargitaratzeko plangintza diseinatu zuen EIZIEk 2010. urtean. Abiatzeko, 20 izenburuko sorta hautatu da datozen bost urteotan berrargitaratzeko, Urrezko Biblioteka bilduman.
Literatura Unibertsala (Batxilergoa 2)
Bereziki Bigarren Hezkuntzako ikasle eta irakasleei begira, Literatura Unibertsala. Batxilergoa 2 testu liburua argitaratu da 2012an.
Bildumako liburuak
Gaur arte argitaraturiko liburuen zerrenda Katalogoan edo hemen kontsulta dezakezu. Eusko Jaurlaritzaren web gunean ere baduzu bildumako liburuen berri.
Hemeroteka
Iruzkinak
