Itzulpen memoriak
Zer dira itzulpen memoriak?
Itzulpen memoriak dira itzulpen memoria sistema edo tresna informatikoetan erabiltzeko fitxategiak. Ideia oso erraza da: testu bateko unitateak (esaldiak) jatorrizko hizkuntzan eta xede hizkuntzan parekatu eta gorde egiten dira. Horrela, sistemak jatorrizko unitate berdin edo antzekoa aurkitzen duenean, harekin parekatuta daukan itzulpena proposatuko du.
Itzulpen memoria sistema ezagunak dira, besteak beste: Trados, Déjà Vu, Wordfast, Transit edo MetaTexis. Nolako memoriak daude hemen?
Hemen eskaintzen dugun itzulpen memoria gaztelera (es) - euskara (eu) norabidekoa da, administrazio eta lege alorrekoa. Guztira 87.000 itzulpen unitate ditu, TMX formatuan (itzulpen memoria gehienek ulertu eta onartzen dutena).
Memoria norberaren ordenagailura errazago eramateko, 20 zatitan banatu dugu, gutxi gorabehera 500-600 kB-koak, ZIP eran trinkotuta. Memoriak osorik 70,7 Mb ditu.
Zati hauek bakarka edo denak batera erabil daitezke. Betiere, nork bere itzulpen memoria tresna erabilita integratu edo «irentsi» beharko ditu.
Zer iturritatik hartuak dira corpus hiztegiko itzulpenak?
Corpus hiztegia administrazio eta lege esparruko gaztelerazko testuen euskarazko itzulpenaz dago osatua. Eusko Jaurlaritzaren sail guztiek, foru aldundiek, Nafarroako Gobernuak, Osakidetzak, eta oro har herri administrazio erakunde nagusiek aldizkari ofizialetan eta gainerakoetan argitara emandako testu itzulien bilduma dela esan daiteke. Beraz, administrazioaren jarduera esparru guztiak biltzen ditu, batzuk xehekiago, besteak azalkiroago.
Lege ardurak
EIZIEk ez du erantzukizunik hartzen orri honetan ageri diren itzulpen memoria fitxategien gainean, ez edukiaz ez eta haien erabilera zuzenaz. Fitxategiok «dauden-dauden» eskaintzen ditu, inolako berme erantzukizunik gabe, eta erabiltzaileak bere ardurapean hartzen ditu betiere. EIZIE ez da erantzule izango fitxategion erabilera oker edo desegokiak sor ditzakeen kalte edo ondorioen aurrean.
tradmem01.zip 590 Kb
tradmem02.zip 552 Kb
tradmem03.zip 544 Kb
tradmem04.zip 562 Kb
tradmem05.zip 562 Kb
tradmem06.zip 581 Kb
tradmem07.zip 605 Kb
tradmem08.zip 617 Kb
tradmem09.zip 536 Kb
tradmem10.zip 433 Kb
tradmem11.zip 612 Kb
tradmem12.zip 598 Kb
tradmem13.zip 534 Kb
tradmem14.zip 545 Kb
tradmem15.zip 527 Kb
tradmem16.zip 587 Kb
tradmem17.zip 542 Kb
tradmem18.zip 579 Kb
tradmem19.zip 555 Kb
tradmem20.zip 355 Kb
