EIZIE | 27-02-2005 20:57
Joseba Ossa, EIZIEko buru hurrengo bi urteetan
Azkainen bildurik 2005eko otsailaren 26an, EIZIEko batzar nagusiak aho batez hautatu zuen Joseba Ossa elkarteko buru izateko hurrengo bi urteetan. Horrez gain, zuzendaritza batzordeko gaienerako kideak hautatu, 2004ko jarduerak eta diru kontuak aztertu, eta 2005eko lan programak onartu zituen.
Haurtzaroa Zumaian (Gipuzkoa) eman zuen 1964an jaiotako itzultzaile honek. Donostian irakasle eskolak amaitu ondoren, Eskandinaviarantz jo zuen, besteak beste Europako hainbat hizkuntza ikastera (katalana, frantsesa, ingelesa eta finlandiera). Lau urteko bidaiaren ondoren, Euskal Herrira itzuli, eta 1991n ekin zion itzultzaile lanari. Harrezkero lanbide horretan dihardu, hasieran bakarrik, eta gaur egun 18 itzultzailez osatutako enpresa baten buru. Bost aldiz irabazi du Jokin Zaitegi Itzulpen Saria, eta beste sari batzuk ere eskuratu ditu literatur arloan.
|
