Euskarazko irakaskuntzan sarri ikasmaterialak sortu edo egokitu behar izaten dira. Zeregin konplexua da; izan ere, sorkuntza-lanez gain, itzultzera ere jo behar izaten da askotan, eta, ondorioz, zalantzazko testuak edo gabeziaz jositakoak sortzen dira. Eskoletan erabiltzen diren materialak hobetzeko tresnak eskaintzea da gure proposamena, eta, bide batez, ikasmaterialak sortzen egiten diren ahaleginei etekin handiagoa ateratzea.

Literatur itzulpenei buruzko iruzkinekin osatzen dugun atalean bi iruzkin gehitu ditugu:

Karlos del Olmoren iruzkina:
Hannah Arendt-en Eichmann Jerusalemen
Itzultzailea: Koro Navarro

Mikel Garmendiaren iruzkina:
Pasqual Alapont-en Bai baina ez baina bai
Itzultzailea: Antton Olano

Maiatzaren 8-10 artean itzulpen mintegia egingo da Gasteizko Filologia Fakultatean alemanetik euskararako eta euskaratik alemanerako itzulpengintza aztertzeko. Itxaro Borda, Raul Zelik (idazle alemana, Sarrionandiaren itzultzailea), Urtzi Urrutikoetxea eta EuskAlemako zenbait kidek hartuko dute parte.

Hitzaldiek eta itzulpen tailerrak osatuko dute mintegia. Euskararen eta alemanaren arteko loturan interesa duen edonor izango da ongietorria. Frankfurteko unibertsitatean euskara ikasten ari diren bi ikasle ere izango dira gure artean.

EIZIEk 2007an egindako euskal itzultzaile, zuzentzaile eta interpreteen ikerketa soziologikoaren arabera, sektore pribatuko itzultzaileen % 60 autonomo gisa ari dira. Euskal itzultzaileen kopuru estimazioak kontuan harturik, itzultzaile guztien % 30 autonomo gisa ari dela esan genezake.

EIZIEk Literatura Unibertsala bildumarako itzulpen lehiaketaren deialdia zabaldu du. Aurten, 17 idazleren obra zerrenda bat hautatu du.

Proposamenak aurkezteko epea maiatzaren 20an amaituko da.

Ikus hemen oinarriak eta itzulgaien zerrenda

Garuneko odol isuri batez hil da Axun Aierbe EIZIEko kidea, Donostiako ospitaleko sendagileek adierazi dutenez.

Tarazonako Itzultzaile Etxeak 20 beka emango ditu, europar itzultzaileek bertan lan egiteko aukera izan dezaten.

Literatur itzulpenei buruzko iruzkinekin osatzen dugun atalean bi iruzkin gehitu ditugu, Charles Bukowski-ren Satanen seme eta Charles de Coster-en Ulenspiegelen elezaharra liburuen gainekoak hain zuzen.

EIZIEk Eusko Jaurlaritzaren laguntzaz kudeatzen duen Literatura Unibertsala bilduman beste bi itzulpen argitaratu dituzte bigarren aldi honetako lanak kaleratzeko ardura duten Alberdania eta Elkarlanean argitaletxeek.

EIZIEk Eusko Jaurlaritzaren laguntzaz kudeatzen duen Literatura Unibertsala bilduman Charles de Costerren Ulenspiegelen elezaharra argitaratu berri da.

Herri germanikoen folklorean pertsonaia guztiz ezaguna eta maitea da Thyl Ulenspiegel: adar-jotzailea, sabelkoia, neskazalea, hiztun egokia, kantaria... pikaroaren figura unibertsalaren haragitzea dugu.