Esan osteko eta aldi bereko interpretazio ikastaroa - 2008

Helburua

Interpretazio lanbiderako prestatzeko beharra dutenei begira eratzen den ikastaro honekin horixe da lortu nahi dena: teknika horietan trebatzeko aukera ematea ikasketen bidez horretarako aukerarik izan ez dutenei, edo ikasi den arren praktikatzen jarraitu nahi dutenei. Esan ostekoarekin ekingo zaio, lanbidean horretan jardungo ez bada ere, aldi berekorako prestakuntzaren oinarria delako.

Egutegia eta ordutegia

Irailaren 16an hasi eta azaroaren amaieran bukatuko da. Astean bi egun (astearte eta ostegunetan), egunean hiru ordu, arratsaldez, esan ostekoan 30 ordu sartuko dira eta beste 30 aldi berekoan.

Non

Gasteizen, EHUko Letren Fakultatean.

Aurreinskripzioa

Bidali, aurreinskripzio orria, 2008ko uztailaren 28a baino lehen:

- posta elektronikoz: bulegoa a bildua eizie.org (gaia: interpretazio ikastaroa)
- faxez 943 277 288

Oharra:

Ikasle kopurua mugatua da. Izen emateak jaso ondoren adieraziko ditugu zehaztasunak (irakasleak, aretoa, ordainketa modua...).

Matrikula prezioa

75 € EIZIEko bazkideak
125 € gainerakoak

Ikastaroa EIZIEk eta IZOk antolatu dute, EHUko Letren Fakultatearen laguntzaz.

Programa

Esan osteko interpretazioa

1.- Interpretazioari buruzko sarrera historikoa eta teorikoa
2.- Interpretazio mota desberdinak eta bakoitzaren erabilera eremua
3.- Ahozkotasunaren garrantzia (ikasleek mintzaldiak prestatu eta eman beharko dituzte)
4.- Oroimenaren lanketa
5.- Laburpena eta birformulazioa
6.- Notaketa teknika
7.- Esan osteko praktikak
8.- Ikusizko itzulpenaren erabilera esan osteko interpretazioan

Aldi bereko interpretazioa

1.- Arnasketarako eta ongi ahoskatzeko zenbait teknika
2.- Ahozkotasunaren lanketa ikasleek eman beharko dituzten mintzaldien bidez
3.- Parafrasia
4.- Kabinako ariketak (entzun eta errepikatu, entzun eta laburtu, entzun ahala zuzendu)
5.- Nola itzuli testu idatziak aldi berekoan
6.- Esan osteko-aldi berekoa: bi teknikak batera erabiltzeko modua
7.- Aldi bereko praktikak